mathau o faethu

gofalwyr myfyriol

  • hafan
  • Gofalwyr Myfyriol

Mae Maethu Cymru Powys yn chwilio am ofalwyr gweithgar, deinamig sy’n barod i weithio gyda’r gwasanaeth i ddarparu amgylchedd cartref diogel i berson ifanc sydd angen gofal maeth brys neu seibiant tymor byr. Mae’r math hwn o leoliad yn darparu gofal ar gyfer pobl ifanc sydd angen lleoliad ar unwaith wrth ddechrau gofal maeth neu ar ôl i drefniant blaenorol chwalu.

bydd angen:

  • profiad sylweddol o weithio’n uniongyrchol gyda neu ofalu am bobl ifanc sy’n dangos amrywiaeth o ymddygiadau
  • bod â meddwl agored a bod â’r ymrwymiad i wneud gwahaniaeth i fywyd person ifanc
  • amynedd, amser ac ymrwymiad i ddiwallu anghenion unigol y plentyn, person ifanc
  • y gallu i gefnogi pobl ifanc trwy gyfnodau o drawsnewid a newid

 

beth fyddwch chi’n ei dderbyn yn gyfnewid?

  • Byddwch yn cael ffi wythnosol o £380 ynghyd â lwfansau maethu pan fydd gennych blentyn mewn lleoliad
  • Bydd gennych gefnogaeth gweithiwr cymdeithasol maethu penodedig a gweithiwr cymorth i deuluoedd.
  • Bydd gennych gefnogaeth tîm o weithwyr proffesiynol sy’n gweithio gyda’r person ifanc yn eich gofal ac a all gynnig cyngor a chymorth un i un i chi.
  • Byddwch yn cael mynediad i raglen hyfforddi arbenigol, a bydd rhai ohonynt yn dechrau yn ystod eich cyfnod asesu.
  • Pan fydd y swyddfa ar gau, bydd gennych fynediad at gymorth 24 awr drwy’r llinell gymorth gofal maeth a’r tîm dyletswydd brys.

cysylltu â ni

  • Cyngor Powys yw’r rheolwr data ar gyfer yr wybodaeth bersonol rydych chi’n ei darparu ar y ffurflen hon. Bydd eich gwybodaeth yn cael ei defnyddio wrth i ni arfer ein hawdurdod swyddogol ac ni chaiff ei defnyddio at unrhyw ddibenion eraill. Ni fyddwn yn rhannu’ch data ag unrhyw drydydd parti oni bai fod y gyfraith yn gofyn neu’n caniatáu i ni wneud hynny. Mae cyfraith diogelu data’n disgrifio’r sail gyfreithiol ar gyfer prosesu eich data yn ôl yr angen er mwyn cyflawni tasg gyhoeddus. Am fwy o wybodaeth am sut mae Cyngor Powys yn defnyddio’ch data personol, gan gynnwys eich hawliau fel testun data, gweler ein hysbysiad preifatrwydd.